Curriculum, Questions n Answers

ކަރިކިއުލަމް އެންރިޗްމަންޓަކީ މަންހަޖުގައި ބަޔާންކޮށްފައި ވާ ވަރަށް ވުރެ އިތުރަށް ކިޔަވައިދޭ ބައެވެ. މިސާލު: ޑްރާމާ މުބާރާތެއް ދަރިވަރުންނަށް ބޭއްވުން. މިގޮތަށް ޑްރާމާ މުބާރާތެއް ދަރިވަރުންނަށް ހުޅުވާލުމުން ދަރިވަރުންގެ ތަފާތު އެތައް ހުނަރެއް ފާހަގަކުރެވި، ދަރިވަރުންގެ ސެލްފް އެސްޓީމް މަތިކުރެވެ އެވެ.
 

2.      ކަރިކިޔުލަމް އެންރިޗްމަންޓްގެ 3 ވައްތަރު ބަޔާންކުރުމާއެކު ކޮންމެ ވައްތަރަކުން މިޘާލެއް ހުށަހަޅައިދީ!

1- އާއްމު ކަރިކިއުލަމް ފުޅާކޮށްލުން، އިތުރު ތަޖުރިބާ ލިބޭކަހަލަ ޙަރަކާތްތައް ހިމެނޭ ގޮތަށް.

މިސާލު: ފީލްޑްޓްރިޕް

2- ވަކިވަކި ދަރިވަރުންނަށް އަމާޒުކޮށްގެން ހުނަރު ތަރައްޤީކުރުން

މިސާލު: ޤުރުއާން މުބާރާތަށް ދަރިވަރުން ތައްޔާރުކުރުން ( އިތުރު އެހީ ބޭނުންވާ ދަރިވަރުންނަށް )

3- ގިފްޓެޑް އަދި ޓެލެންޓެޑް ދަރިވަރުންނަށް އަމާޒުކޮށްގެން

މިސާލު: ކުލާހުގައި ތިބޭ ދަށް ދަރިވަރުންނަށް ބައެއް ތަކެތި އޮޅުންފިލުވައިދޭން ހަވާލުކުރުން

3.      ކަރިކިޔުލަމް އަކީ ކޮބައިކަން ތަފުޞީލުކޮށް އޮޅުންފިލުވައިދީ! އަދި ކަރިކިޔުލަމެއްގައި ހުރުން ލާޒިމްކުރާ ކަންކަން ބުނެދީ!

ކަރިކިއުލަމަކީ ސްކޫލް މަދަރުސާތަކުން ޒިންމާވާންޖެހޭ، ކުރިން ރޭވިފައިވާ އުނގަންނައިދިނުންތަކެވެ. ސްކޫލް ތެރޭގައި ދަރިވަރުން ތަޖުރިބާކުރާ ހުރިހާ ތަޖުރިބާ ތަކެވެ.

ކަރިކިޔުލަމެއްގައި ހުރުން ލާޒިމްކުރާ ކަންކަމަކީ:

1-      ކިޔަވައިދެވޭ އެއްޗެއްގެ ފުންމިން

2-      ޕްރޮބްލަމް ސޯލްވިންގ އަށް އަލިއަޅުވާލެވިފައިވާ މިންވަރު

3-      މަޢުލޫމާތުގެ އިތުރުން ހުނަރުތަކަށް އަލިއަޅުވާލެވިފައިވާ މިންވަރު

4-      ރަނގަޅަށް ކޯޑިނޭޓްކުރެވިފައިވާ އެއްޗަކަށްވުން

5-      އެޕްލިކޭޝަން ލެވެލްގެ ކަންކަން ރޭވިފައިވުން

6-      އިންޓަރގްރޭޓެޑް ކަރިކިއުލަމަކަށްވުން

7-      އެކަށީގެންވާ ޢަދަދެއްގެ ލަނޑުދަނޑިތަކެއް ޙާޞިލްކުރަން މަސައްކަތްކުރާ އެއްޗަކަށްވުން މިއެވެ.

4.      ވިލްސަން (1990) ގެ ނަޒަރުގައި ކަރިކިޔުލަމް އޮތް ގޮތާއި، މިހާރު ކަރިކިޔުލަމް މާނަކުރާގޮތުގެ ތަފާތު ތަފުޞީލުކޮށް ބަޔާންކޮށްދީ!

މި ދެގޮތުގައިވެސް މާބޮޑު ތަފާތުކަމެއް ނެތެވެ. އެހެނީ 1990 ގެ ކަރިކިއުލަމާ 20ވަނަ ޤަރުނުގެ ކަރިކިއުލަމަކީ ދާދި އެއްގޮތް ދެ ކަރިކިއުލަމެވެ. އެހެނީ ވިލްސަންގެ ނަޒަރުގައި ކަރިކިއުލަމެއްގަ ހިމެނެނީ؛ ފިލާވަޅުގައި ކިޔަވައިދޭ ހުރިހާ އެއްޗެއް، ދަސްކޮށްދޭން ބޭނުންވާ ތަކެތި، ފޮރުވިފައިވާ ތަކެތި، ލިޔެފައިވާ ތަކެތި، ސިޔާސީ ކަންކަން، މުޖުތަމަޢަށް ފައިދާ ހުރި ކަންކަން، އިންސާނުން ދާނީ އަބަދުވެސް ކުރިއަށްކަން މި އެވެ.

      މިހާރުގެ ކަރިކިއުލަމްގައިވެސް ކުއްޖަކު ނުވަތަމީހަކު ކިޔަވާ ނުވަތަ އުނގެނޭ ހުރިހާ ތަކެއްޗެއް އަދި ކުރާ ހުރިހާ ތަޖުރިބާ އަކީ ވެސް ކަރިކިއުލަމްގައި ހިމެނޭ ބައިތަކެވެ. ލިޔެފައި ވިޔަސް ނުލިޔުނަސް މެ އެވެ. ޖުމްލަކޮށް ބުނާނަމަ އިންސާނަކު ދުނިޔެއަށް އައިންސުރެ މަރުވަންދެން ކުރާ ކޮންމެ ކަމަކީ ވެސް ކަރިކިއުލަމްގައި ހިމެނޭ ކޮންމެވެސް އިންޑިކޭޓަރ އަކަށް ފެތޭ ކަމެކެވެ. ވީމާ، އުނގެނި ދަސްކޮށް ތަޖުރިބާކުރާ ކޮންމެ ކަމަކީ ކިރިކިއުލަމް ކަމަށް ބުނެވިދާނެ އެވެ.

5.      ކަރިކިޔުލަމެއް ތައްޔާރުކުރުމުގައި ވިސްނަންވީ ކަންކަމަކީ ކޮބައިކަން ބުނެދޭށެވެ! އަދި އެއީ ކީއްވެގެންކަން އޮޅުންފިލުވައިދޭށެވެ!

1- ބޭނުންކުރެވޭނެ ގޮތްތަކާއި ތަރުތީބު

2- ސިލަބަސް

3- ކޮންޓެންޓް އައުޓްލައިން

4- ލަނޑުދަނޑިތައް

5- ފޮތްތައް

6- އުނގަންނައިދޭ މާއްދާތައް

7-ރާވާލެވިފައިވާ ތަޖުރިބާތައް މިއެވެ.

      މި ބައިތައް ހިމަނަންޖެހޭ ސަބަބަކީ މިއިން އެއްވެސް ބައެއް އުނިވެއްޖެނަމަ ކަރިކިއުލަމެއްގައި ހުންނަންޖެހޭ ބައެއް ސިފަ އުނިވާނެތީ އެވެ.

6.      ކަރިކިޔުލަމް އެއް ފަރުމާކުރުމުގައި އަންނަ ޕެރެޑައިމް ޝިފްޓަކީ ކޮބައިކަން އޮޅުންފިލުވައިދީ!

1- އެޕްރޯޗަކުން ގެންނަ ބަދަލެއް

2- ކުރިން ބޭނުންކުރަމުންދިޔަ ވިސްނުމުގެ މޮޑެލްއެއް އެއްކޮށް ދޫކޮށްލުމަށްފަހު މުޅިން އާއެއްޗެއް އިޚްތިޔާރުކުރުން

3- ލެސަން ބޭސްޑް އިންސްޓްރަކްޝަން

4- ގޮންޖެހުން ނައްތާލެވޭނެގޮތް ހޯދުން މި އެވެ.

7.      ފާއިތުވީ 10 އަހަރުތެރޭ ތަޢުލީމީ ދާއިރާއަށް އައިސްފައިވާ ބޮޑެތި ބަދަލުތަކަކީ ކޮބައިކަމާއި އޭގެ ސަބަބު އޮޅުންފިލުވައިދޭށެވެ!

1- މަލްޓިޕްލް އިންޓެލިޖެންސް

2- ވެލިއުސް އެންޑް އެޓިޓިއުޑް

3- ފޯމެޓިވް އެސެސްމަންޓް

4- ކޯޕަރޭޓިވް ލަރނިންގ

5- ޓީމްވަރކް

6- އިންކްލޫސިވް އެޑިއުކޭޝަން

7-ވޮކޭޝަނަލް އެޑިއުކޭޝަން މި އެވެ.

8.      ޕްރޮސެސް މޮޑެލް އާއި ޕްރޮޑަކްޓް މޮޑަލްގެ ތަފާތު ބަޔާންކޮށްދީ!

ޕްރޮޑަކްޓްމޮޑެލްގައި ސައިންޓިފިކް އަދި ވަރަށް ޓެކްނިކަލް ވާނެ އެވެ. ޓީޗަރ ސެންޓަރޑް ވާނެ އެވެ. ކޮންޓެންޓް ނުވަތަ އުނގެނެން ފުރުޞަތު އޮންނާނީ ޓީޗަރު ބޭނުން މާއްދާތަކެވެ. ކަރިކިއުލަމް އިން ހާޞިލްކުރެވޭނެކަމަށް އުއްމީދުކުރާ ކަންކަން ހިމެނޭނެ އެވެ. އިޖްތިމާޢީ އަދި އުނގެނުމުގެ ފުރުޞަތު ހަނިވާނެ އެވެ.

ޕްރޮސެސް މޮޑެލަގައި ނޮން ޓެކްނިކަލް ވާނެ އެވެ. ދަރިވަރުންނަށް ފޯކަސް ކުރެވޭނެ އެވެ. ކޮންޓެންޓް ނުވަތަ އުނގެނެން ބޭނުންވާ ބައިގެ ކޮންޓްރޯލް އޮންނާނީ ދަރިވަރުންގެ އަތުގަ އެވެ. ޢަމަލީ ގޮތުން ކަންކަން ހޯދާބެލުން އަދި ނުކުންނަ ނަތީޖާ ދެނެގަނެވެ އެވެ. އިޖްތިމާޢީ ގުޅުން ބޮޑެވެ. އުނގެނުމަށް ފުރުޞަތު ބޮޑެވެ.

9.      ދިވެހިރާއްޖޭގެ ތަޢުލީމީ ފަލްސަފާއަކީ ކޮބާ؟

ދިވެހިރާއްޖޭގެ މަދުރަސީ ތަޢުލީމު ފުރިމަކުރާ ކުއްޖަކަށް އިސްލާމީ ދިވެހި މުޖުތަމަޢުގެ ބައިވެރިއެއްގެ ގޮތުންނާއި އަމިއްލަ ފަރުދެއްގެ ޙައިޞިއްޔަތުން އެކުއްޖެއްގެ އަމިއްލަ ނަފްސަށާއި ޢާއިލާއަށާއި ރަށަށާއި ދިވެހިޤައުމަށް ފައިދާކޮށްދޭނެ ހަރުދަނާ މީހަކަށްވުމުގެ ޤާބިލިއްޔަތު ލިބިދިނުމަށާއި އިސްލާމީ ޢަޤީދާއާއި ދިވެހިވަންތަކަން ހިމާޔަތްކޮށް އެކަންކަން ދެމެހެއްޓުމުގެ ކުޅަދާނަކަން ލިބިދިނުމަށްޓަކައި ކުއްޖާގެ ވިސްނުމާއި ހަށިގަނޑާއި ރޫހީ ބައި ތަރައްޤީކޮށް ހާނައި ތަރުބިއްޔަތުކޮށްދިނުމާއި އެކަންކަމަށް ބޭނުންވާ ހުނަރުތައް ލިބިދިނުމެވެ.

10.      ހުނަރުގެ ގޮތުން ތަފާތު ޤާބިލުކަން ލިބިފައިވާ ދަރިވަރުން ވެއެވެ. މިފަދަ ދަރިވަރުން ބަހައިލެވޭ ބައިތައް ނުވަތަ ހަވަރޑް ގަރޑެނަރ ގެ މަލްޓިޕަލް އިންޓަލިޖެންސް އޮޅުންފިލުވައިދޭށެވެ!

ގަރޑްނަރ މިފަދަ ދަރިވަރުން ބަހާލަނީ 8 ބަޔަށެވެ. އެއީ:

1-      ބަސް ބޭނުންކުރުމާއި ބަސް މޮށުންތެރިކަމުގެ ތޫނުފިލިކަން

2-      ހިސާބު ޢިލްމާއި ލޮޖިކްގެ ތޫނުފިލިކަން

3-      އެހެންމީހުންނާއި ގުޅިގެން އުޅުމުގެ ތޫނުފިލިކަން

4-      ތިމާ އަމިއްލައަށް ނަފްސު އެނގުމުގެ ތޫނުފިލިކަން

5-      މިއުޒިކާއި ހަމައިގެ ތޫނުފިލިކަން

6-      ކުރެހުމާއި މަސައްކަތްތެރިކަމުގެ ތޫނުފިލިކަން

7-      ބޮޑީ ސްމާޓް – ކުޅިވަރާ ހަށިގަނޑުގެ ތޫނުފިލިކަން

8-      ނޭޗަރ ސްމާޓް – ޤުދުރަތީ ކަންކަމަށް ލޯބިކުރާ މި އެވެ.

11.      ވިސްނުމުގެ ހުނަރުތައް ތަރައްޤީކުރުމުގައި ބޭނުންކުރެވިދާނެ އެއް އުކުޅަކީ، ވިސްނުމުގެ ތޮފިތައް ބޭނުންކޮށްގެން ތަފާތު ވިސްނުންތަކަށް މަގުފަހިކުރުމެވެ. މި ދެންނިވި ވިސްނުމުގެ ތޮފިތައް އޮޅުންފިލުވައިދޭށެވެ!

1- ނޫ ކުލަ: (ވިސްނުމުގެ ތޮފި ) ހުރިހާ ތޮފީގެ ބޮޑު ތޮފި، ބޮޑުމަންޒަރު

2- ހުދުކުލަ: ( ފެކްޓްސް މަޢުލޫމާތު ) ހުރިހާ ޑޭޓާ، ވަކިއަތަކަށް ނުޖެހި ކަންހުރިގޮތަށް

3- ފެހިކުލަ: ( އުފެއްދުންތެރި ޚިޔާލް ) ޚިޔާލްތައް، ކަންތައް ރަނގަޅުކޮށް މަގުފަހިކުރުމަށް، ތަފާތުގޮތަކަށް ވިސްނުމަށް

4- ކަޅުކުލަ: ( ސަމާލުވާންވީ ކަންކަން ) އުނދަގޫތައް، އުނިކަންތައް، ނުރައްކާތައް

5- ރީނދޫކުލަ: ( ފައިދާ ) ރަނގަޅުކަންތައް، ފައިދާ، ކުރިއެރުން، ޚިޔާލެއް ރަނގަޅުވީ ކީއްވެކަން

6- ރަތްކުލަ: ( ޖަޒްބާތު / އިޙްސާސް ) ހިތަށްއަރާ ކަންތައް، ދެކޭގޮތް މި އެވެ.

12.      ދަރިވަރުންނާ މަސައްކަތްތައް ހަވާލުކުރުމާއި، އިމްތިހާނުތަކުގައި ވަޒަންކުރުމުގައި ބޭނުންކުރާ ތަފާތު ފެންވަރުގެ ސުވާުލުތައް ބައްޓަންކުރުމުގެ ގޮތްތައް އޮޅުންފިލުވައިދޭށެވެ!

މިފަދަ ސުވާލުތައް ފަރުމާކުރުމަށް ބޭނުންކުރާ މިންގަނޑަކީ ބްލޫމް ޓެކްސޮނޮމީ އެވެ.

1-      ހަނދާނަށް ގެނައުން / މަޢުލޫމާތު

2-      ފަހުމްވުން

3-      ބޭނުންކުރުން

4-      ތަޙްލީލުކުރުން

5-      ގޮތްނިންމުން

އުފެއްދުން މި އެވެ. މިބައިތަކަށް ބަލައިގެން ސުވާލު ފަރުމާކޮށްފިނަމަ އަދި ވަޒަންކޮށްފިނަމަ ތަފާތު ފެންވަރުގެ ސުވާލު ހުންނާނީ ފަރުމާކުރެވިފަ އެވެ.